QUOTE
On `2004-03`-16 18:21, Pipo wrote:
ზაზა - დაპირებული პასუხები ჩემს კითხვებზე?
ახლა შევეცდები ყველა კითხვას გავცე პასუხი, რაც დასვა პიპომ ტოპიკში პოტეროფობია:
"არამისტიკური თვალსაზრისით თუ შეიძლება ეკლესიის განხილვა?
ქართულ მართლმადიდებლურ ეკლესიას (როგორც ინსტიტუტს) აქვს თუ არა ადგილმდებარეობითი ეკლესიის გარდა, სხვა დანიშნულება?"
პირველ რიგში უნდა აღინიშნოს, რომ ცხადია ეკლესიას არანაირი სხვა მნიშვნელობა არა აქვს, გარდა მისტიკურისა, მისი მთავარი და ერთადერთი დანიშნულებაა ადამიანის ხსნა. ეკლესიაში ადამიანი მიდის არა სულიერი დამშვიდებისთვის (ეს როლი სრულიად დამაკმაყოფილებლად შეიძლება შეასრულოს რომელიმე შესაბამისმა ფსიქოთერაპიულმა ცენტრმა), თუმცა ცხადია იქ სადაც არის ხსნის საიდუმლოება, არ შეიძლება არ იყოს სულიერი სიმშვიდე. მიუხედავად ეკლესიის ასეთი დანიშნულებისა, ის ამავე დროს მოწოდებულია იყოს ერში და იქადაგოს სახარება, რაც (ერში ყოფნა) მას ცხადია მას ცხადია გარკვეულ ადგილსაც უჩენს სახელმწიფო საზოგადოებაში, ამიტომ არის, რომ ყველა რელიგიური დენომინაცია და მათ შორის საქართველოს მართლმადიდებელი ეკლესიაც გადის რეგისტრაციას იუსტიციის სამინისტროში.
"რას ნიშნავს სიტყვა "ეკუმენური". საიდან მოდის ეს სიტყვა?
ვინ დაიწყო ეს მოძრაობა კერძოდ. ანუ ვინ გადადგა პირველი ნაბიჯი გაუცხოების მოსახსნელად?
რომელ წელს მოხდა ეს (მე-20 საუკუნის დასაწყისი ძალიან ზოგადია)და რომელი ეკლესიები გაერთიანდნენ ამ მოძრაობაში თავდაპირველად?
და რაც მთავარია - რა მნიშვნელობა აქვს ეკლესიების შერიგებას?"
ეკუმენე ბერძნული სიტყვაა და ნიშნავს მსოფლიოს მოძრაობას დაერქვა ეკუმენური მისი ხასიათიდან გამომდინარე.
ინიციატივა პირველად წამოვიდა პროტესტანტული სამყაროდან და დამოუკიდებლად მართლმადიდებლურიდან, კერძოდ 1920 წელს კონსტანტინეპოლის პატრიარქმა მიმართა ყველამართლმადიდებელ პატრიარქს, რათა მათ მხარი დაეჭირათ ამ წამოწყებისათვის და 1927 წელს ქალაქ ლოზანაში მოეწყო პირველი მრავალკონფესიური შეხვედრა, რომელიც განიცილავდა "რწმენისა და მოწყობის" (ასეთი იყოს სახელწოდება შეხვედრისა)საკითხებს, ამას გარდა 1937 წელს მსოფლიოს ეკლესიათა წარმომადგენლები შეთანხმდნენ შეექმნათ მსოფლიო ეკლესიათა საბჭო, მაგრამ მეორე მსოფლიო ომმა ხელი შეუშალა და ვადამ გადაიწია 1948 წელს, როდესაც 147 ეკლესიის წევრმა ხელი მოაწერა საბჭოს შექმნის დოკუმენტს. იქ შედიოდნენ თითქმის ყველა პროტესტანტული ეკლესიები (ანგლიკანები, ლუთერანები ...) მართლმადიდებლები და აღმოსავლეთის ე.წ. მონოფიზიტური და ნესტორიანული ეკლესიები (სომხეთის ეკლესია, ეგვიპტის კოპტური მონოფიზიტური,სირიის ნესტორიანული ეკლესიები...) თავიდან კათოლიკური არ შეუერთდა ეკუმენურ მოძრაობას, ლაპარაკი არ არის მხოლოდ მსოფლიო საეკლესიო საბჭოზე, არამედ საერთოდ დიალოგზე, მაგრამ 1959 წელს კათოლიკური ეკლესია ხდება ერთერთი აქტიური მხარდამჭერი ეკუმენიზმისა.
შერიგების მნიშვნელობას რაც შეეხება ... მგონი ეს ტრივიალურია, ელემენტარულად თუ ეკლესიები ერთმანეთს მხოლოდ ანათემის ენით ელაპარაკებიან ეს საერთოდ არაქრისტიანულია. ერთ კონკრეტულ მაგალითს მოვიყვან: საქართველოს ეკლესიას დღეს აქვს მრავალი სამრევლო გახსნილი დასავლეთის მრავალ ქვეყანაში, რომელთაგან უმრავლესი ცხადია არამართლმადიდებელია და რომ მათ ნება დაგრთონ იქ ააშენო შენი ეკლესია (რამდენიმე ქვეყანაში უკვე დაგეგმილია საქართველოს საპატრიარქოზე დაქვემდებარებული ეკლესიების აშენება), როგორც მინიმუმ მათ არ უნდა აგინო. შერიგებას კიდევ შორს მიმავალი მიზნებიც აქვს: თუ შესაძლებელია სწორად დაანახო შენი სარწმუნეობა და სწორად დაინახო მათი თეოლოგიაც და ამით რამდენადმე შეამცირო არსებული დისტანცია. (ქრისტიანს თუ ის თავს ქრისტიანად აღიქვამს, როგორც მინიმუმ უნდა სურდეს მაინც რომ არ იყოს ამდენი განხეთქილება ეკლესიებს შორის) ასე მაგალითად სწორედ ამ დიალოგების შედეგად გამოირკვა, რომ დღევანდელი ე.წ. მონოფიზიტური ეკლესიები სრულიადაც არ არიან თეოლოგიური თვალსაზრისით კანონმემკვიდრენი ძველი მონოფიზიტებისა, რომლებიც ქრისტეს მხოლოდ ღვთაებრივ ბუნებას აღიარებდნენ. დღეს ყველა ეს ეკლესია აღიარებსქრისტეს ორივე ადამიანურ და ღვთაებრივ ბუნებას, ანუ არის სრულიად მართლმადიდებლურ პოზიციაზე და ეს ამ ორი დიდი ეკლესიის სრული გაერთიანებისკენ გადადგმული დიდი ნაბიჯია.
"ეკუმენური მოძრაობის შექმნამდე რა სახის ურთიერთობა არსებობდა ეკლესიებს შორის? რა ურთიერთობა ჰქონდათ ეკლესიებს საქართველოს ტერიტორიაზე?"
ეკუმენიზმამდე ასე ვთქვათ ყველა იყო თავისთვის, იზოლაციაში. საქართველოც ცხადია გამონაკლისი ვერ იქნებოდა.
"ეს სქიზმატური ჯგუფები რომელი ეკლესიებიდან განკვეთეს?
ბევრია ასეთი ჯგუფი?"
ანტიეკუმენური ისტერიით შეპყრობილი ეს სქიზმატური ეკლესიები განკვეთეს საბერძნეთის ეკლესიიდან, იქ ახალი სტილის კალენდარზე გადასვლასთან დაკავშირებით, შემდეგ ეს ჯგუფები დაიშალნენ ერთმანეთი განკვეთეს (ეს ჩვეულებრივი გზაა სექტის ტიპის ორგანიზაციებისთვის) და დღეს არის თუ არ ვცდები სულ შვიდი ასეთი ჯგუფი, რომლებიც ერთმანეთს არ აღიარებენ.
"რატომ არ უფიქრია რუსეთს გამოსვლა?"
არ უფიქრია, ვინაიდან რუსეთის ეკლესია თვლის, რომ ამ ტიპის მსოფლიო ორგანიზაციაში ყოფნა შეიძლება დადებითის მომტანი იყოს მისთვის, ვთქვათ ეპარქიების გახსნაში დასავლეთში...
"ვინ უწყობს ხელს ამ სქიზმატური ჯგუფების არსებობას? თუნდაც მატერიალურად?"-NO IDEA
"არის თუ არა ასეთი ჯგუფების ეკლესიის გარეთ არსებობა საფრთხის მომტანი ეკლესიისათვის?"
საქართველოს მაგალითზე კარგად ჩანს, რაც მოხდა 1997 წელს, რომ ბეთანიის და შიომღვიმის მონასტრების ბერებმა დატოვეს ეკლესია და ეს იყო ინსპირირებული ასეთი სქიზმატური ჯგუფებით, ყოველ შემთხვევაში ლიტერატურის მომარაგების თვალსაზრისით. ეს მოვლენა უდაოდ ნეგატიურ კვალს აჩენს ეკლესიას, ვინაიდან ეკლესიის წიაღში სქიზმა (განხეთქილება) უკვე არის დიდი ტრაგედია და რაც მთავარია, ქმნის მომავალში ასეთივე სქიზმების გაგრძელების პერსპექტივას.
"სხვაგან რატომ არის არაჩვეულებრივი (ეკლესიაში აზრთა სხვადასხვაობა)"
ეკლესიაში აზრთა სხვადასხვაობა ყოველთვის მისასალმებელია, ისევე ჩვენთანაც, მაგრამ მთელი ტრაგედია საა, რომ ჩვენთან თითქმის ერთი აზრია ეკლესიაში. ამ შემთხვევაში ეკლესია ასე ვთქვათ მსხვერპლია, ის მოექცა დიდი რუსეთის საკმაოდ ძლიერი ზეგავლენის ქვეშ.
"რუსეთმა რატომ არ განკვეთა ეს "ფრაქციები?"
განკვეთა ყველაზე მოკლე გზაა, რასაც მგონი ყოველთვის მოასწრებ
"როდესაც რუსეთს ფაქტიურად ახალი დამთავრებული აქვს ომი საქართველოსთან აფხაზეთში, იწყებს მეორე კამპანიას..., ჩვენი ეკლესიის ჩამოცილებას მსოფლიოსაგან, რათა არ მოხდეს ამ გზითაც ინფორმაციის გატანა დასავლეთში".
კერძოდ, რა ინფორმაციის გატანა? როგორ არ უნდა მოხდეს ინფორმაციის გატანა ინფორმაციულ ეპოქაში?
ინფორმაციის გატანა მოხდება ყველა შემთხვევაში, მაგრამ ეს შეიძლება იყოს დეზ---ინფორმაცია.
"იმ დროს ძლიერდება ფანატიკური ჯგუფები საპატრიარქოში, რომელბიც იდეურად ფინანსდებიან ამერიკაში არსებული ერთერთი სქიზმატური ეკლესიისგან და დაუყოვნებლივ ითხოვენ საქართველოს ეკლესიის გასვლას იმ საბჭოდან".
"იდეური დაფინანსება" რას ნიშნავს? და რატომ ამერიკაში არსებულიდან?---
იდეური ნიშნავს ლიტერატურას უპირველეს ყოვლისა, ხოლო რატომ ამერიკულიდან, აქ ვერ ვიტყვი ზუსტად, მაგრამ ჩემი წმინდა სუბიექტური აზრით ამერიკულ ორგანიზაციებში ყოველთვის არის საკმაოდ ფინანსები...
"არიან ეს ჯგუფები საქართველოშიც ისეთივე "ფრაქციებად" ჩამოყალიბებულნი, როგორც რუსეთის ეკლესიაში?"
მთელი უბედურებაა, რომ ჩვენთან მხოლოდ ერთი ფრაქციაა ანტიეკუმენური პოზიციის.
"ყველა ლიტერატურა რითიც ხელს ითბობს აღნიშნული ჯგუფები არის სწორედ რუსეთიდან და იმ პერიოდში შემოდის უწყვეტი ნაკადით---მაშ ამერიკული სქიზმატური ეკლესიის დახმარება რაში გამოიხატება?"
ლიტერატურა შემოდის რუსეთიდან, მაგრამ ამერიკული წყაროებიდან თარგმნილი.
"იმ წელს, როდესაც ჩვენ განმოვედით აღნიშნული საბჭოდან პირველად უნდა განხილულიყო საბჭოში ორი საკითხი 1)აფხაზეთის პრობლემა და 2) ჩეჩნეთის პრობლემა. შედეგად აღმოჩნდა, რომ ჩვენი და ჩეჩნების ინტერესების "დამცველი" აღმოჩნდა რუსეთი---რა მნიშვნელობა აქვს საქართველოსთვის ეკლესიათა საბჭოს მიერ აფხაზეთის საკითხის განხილვას, ან ჩეჩნებისათვის? რა ზეგავლენა შეიძლება მოახდინოს საბჭომ ამ პრობლემებზე?"
ეს უბრალოდ ინფორმაციის მიწოდების ერთერთი ეფექტური საშუალებაა. ზეგავლენაზე რა გითხრა..., მაგრამ ინფორმაცია უნდა გავიდეს გარეთ. ეს სხვათა სორის არ არის ისე მარტივი, მაგალითად შეგიძლია ნახო როგორაა აჭრელებული აფხაზების საიტების მიერ ინტერნეტი და არცერთი ჩვენი ...???
"როდის გაიმართა ვატიკანის პირველი კრება?
მას შემდეგ როგორ თანაარსებობდნენ ეკლესიები ხშირად ერთ ქვეყანაში?"
პირველი კრება გაიმართა 1869 წლის 8 დეკემბერს.
თანაარსებობაზე მოგახსენე ზემოთ.
"დასავლეთის პოზიციის ცვლილება მხოლოდ ცალმხრივია, თუ საბჭოში გაერთიანებულმა მართლმადიდებლურმა ეკლესიებმაც შეიცვალეს დამოკიდებულება დასავლეთის მიმართ? რაში გამოიხატება ეს?"
ცხადია დამოკიდებულება შეიცვალა, ზუსტად ისეთივე სახით, გამოხატულებას რაც შეეხება..., მაგალითად შემიძლია გითხრა, რომ მართლმადიდებელი ეკლესია მაგალითად კათოლიკებს განიხილავს არა როგორც საერთოდ უმადლო ეკლესიას, არამედ აღიარებს, რომ იქ სრულდება ნათლობის საიდუმლო, აი მაგალითად როდესაც გადმოდის კათოლიკე მართლმადიდებლობაში მას არ ნათლავენ, ან როდესაც გადმოდის მღვდელი მას უნარჩუნებენ მღვდლობას, რაც იმას ნიშნავს, რომ ჩვენ კათოლიკებს არ განვიხილავთ ეკლესიდან ბოლომდე ჩამოშორებულებად (როგორც მოგეხსენება მათ შემოიტანეს ახალი დოგმატები, რასაც ვერასოდეს ვერ მიიღებს მართლმადიდებელი ეკლესია, ამიტომაც ჩვენ ვთვლით, რომ სრულ გაერთიანებამდე ჯერ ადრეა, მაგრამ ის პოზიცია რაც აქვს მართლმადიდებელ ეკლესიას კათოლიკურ ეკლესიასთან მიმართებაში, იძლევა იმის საბაბს, რომ ისინიც ჩათვალო ქრისტიანებად).
---ქანცი გამძვრა ამდენი წერით---
აბა ჰე
ზაზა
[ This Message was edited by: Zaza70 on `2004-03`-16 19:59 ]