საქართველოს რესპუბლიკა "
# 242
ხუთშაბათი, 11 სექტემბერი, 2003 წელი

მისი უწმიდესობისა და უნეტარესობის, სრულიად საქართველოს კათოლიკოს-პატრიარქის ილია || და საქართველოს ეკლესიის წმინდა სინოდის მიმართვა

მის აღმატებულებას, საქართველოს პრეზიდენტს, საქართველოს

პარლამენტს, მთავრობას, პოლიტიკურ პარტიებს, ინტელიგენციას,

ახალგაზრდობას, სამღვდელოებას, სრულიად საქართველოს

სახელითა მამისათა და ძისათა და სულისა წმიდისათა, ამინ!

ჩვენო სულიერო ძმანო და დანო, თანამემამულენო, უდიდესი ისტორიული მოვლენის - რუის-ურბნისის კრების 900 წლისთავის საიუბილეო თარიღთან დაკავშირებით მოგმართავთ იესო ქრისტეს უპირველესი მოციქულის, წმინდა ანდრია პირველწოდებულის მიერ დაარსებული საქართველოს ავტოკეფალური მართლმადიდებელი ეკლესიის სახელით, იმ ეკლესიის სახელით, სადაც ჯერ კიდევ || საუკუნის დასაწყისში მოციქულთა სწორის, წმინდა ნინოს დიდი ღვაწლითა და ნიშ-სასწაულებით აღსრულდა მოქცევა ჩვენი ერისა და ქრისტიანობა გამოცხადდა სახელმწიფო რელიგიად.

აღსანიშნავია, რომ საუკუნეთა მანძილზე მართლმადიდებლობას ჩვენში "ბიწი რაიმე" არ შეხებია და ჭეშმარიტ სარწმუნოებაზე მდგარი ივერიის ეკლესია მუდამ უმნიშვნელოვანეს როლს ასრულებდა ქვეყნის ცხოვრებაში, რადგან მისი წიაღიდან იღებდა სათავეს ზნეობრიობა და ერის კულტურა, მისი თვითმყოფადობა და თავისუფლებისკენ სწრაფვა, ანუ სახელმწიფოს ძლიერების განმსაზღვრელი უმთავრესი ფაქტორები.

მშვენივრად ბრძანებს წმიდა ილია მართალი: "ქრისტეს რჯული ქართველებისთვის მარტო სარწმუნოებითი აღსარება კი არ იყო, იგი, ამასთან ერთად, პოლიტიკური ქვითკირიც იყო საქართველოს მრავალი ნაწილების გასაერთიანებლად და შემოსაკრებად".

ამიტომაც იყო, რომ 900 წლის წინათ წმ. მეფე დავითმა აღმშენებლობის პროცესი ეკლესიის თანადგომითა და ერის სულიერ-ზნეობრივი გაჯანსაღებით დაიწყო. რუის-ურბნისის კრება იქცა იმ მტკიცე საძირკვლად, რომელსაც შემდეგ დაეშენა იმდროინდელ მსოფლიოში ყველასგან ანგარიშგასაწევი სახელმწიფოს ძლიერება.

საქართველოს ძლიერებასა და ერის ერთობას დღესაც საფუძვლად სულიერება და ზნეობრიობა უნდა დაედოს. ამასთან, აუცილებელია თვითმყოფადი ცნობიერებისა და კულტურის შენარჩუნება, რომელიც მთლიანად ქრისტიანულ მსოფლმხედველობაზეა დაფუძნებული. ამით დედა ეკლესია არ ქადაგებს კარჩაკეტილობას და ოდნავადაც არ აკნინებს სხვა ქვეყნებთან ურთიერთობების მნიშვნელობას; პირიქით, ყველამ კარგად ვიცით, რომ ჩვენი ცხოვრების წესის ჩამოყალიბებაზე დიდი გავლენა იქონია როგორც აღმოსავლეთმა, ისე დასავლეთმა, ოღონდ ჩვენი კულტურა ევროპისა და აზიის ცივილიზაციების ჩვენეული აღქმაა და არა მექანიკური გამეორება მათი ნააზრევისა, ამიტომაცაა იგი ძვირფასი. ამიტომაც შევიტანეთ ჩვენ ჩვენი წვლილი მსოფლიოს კულტურულ საგანძურში.

ჩვენი ტრადიციისთვის ასევე მიუღებელია შეუწყნარებლობა და აგრესია უცხო ერებისა და აღმსარებლობის წარმომადგენლებისადმი. ისტორიულად საქართველოში არასდროს ყოფილა დევნა და შევიწროვება ეთნიკური და რელიგიური ნიშნით. ესაა მიზეზი იმისა, რომ აქ მცხოვრები სხვა ერისა და სარწმუნოების წარმომადგენლები სიყვარულით არიან განმსჭვალულნი ჩვენი მიწა-წყლისა და ხალხისადმი. ასე რომ, ქართველი ერისათვის უცხოა როგორც ფსევდოდემოკრატია, ასევე ფსევდოპატრიოტიზმი.

სამწუხაროდ, ჩვენს საზოგადოებაში ბოლო დროს განვითარება იწყო არაჯანსაღმა მიმართულებებმა. ზოგიერთი ვერ აცნობიერებს, რომ, ერთის მხრივ, რელიგიური ექსტრემიზმი, ხოლო, მეორეს მხრივ, უკიდურესი ლიბერალიზმი აღრმავებს ხალხში ისედაც არსებულ დაპირისპირებას. ამ პროცესებს, რომლებიც შეიძლება უცხოეთიდან იმართება, ერთი-ორი სასულიერო პირიც აჰყვა და საერონიც აიყოლია. ყველას გასაგონად ვაცხადებთ, რომ ისინი სამეუფეო გზას არიან აცდენილნი და არასწორი ქმედებით თვითვე განაყენებენ თავის თავს ეკლესიისაგან. შევთხოვთ ღმერთს, მისცეს მათ გულწრფელი სინანული.

აღვნიშნავთ იმასაც, რომ დღეს ჩვენს ქვეყანაში მართლმადიდებელთა გაღიზიანების მთავარი მიზეზი გახლავთ არა სხვადასხვა რელიგიური ჯგუფებისა და სექტების არსებობა, არამედ მათი მხრიდან გამოვლენილი არაკეთილსინდისიერი პროზელიტიზმი. ვფიქრობთ, სახელმწიფომ დროულად უნდა მიიღოს რელიგიის შესახებ კანონი, რომ მოწესრიგდეს და აღმოიფხვრას ბოლო დროს გამოვლენილი არასწორი ტენდენციები.

ჩვენ ვაღიარებთ, რომ პრობლემები ეკლესიის წიაღშიცაა და ეს არც არის გასაკვირი. რუის-ურბნისის კრების ძეგლისწერა თვალნათელი მაგალითია იმისა, თუ რა სერიოზული სიძნელეები არსებობდა ეკლესიაში და საზოგადოებაში მაშინაც, როდესაც ცოცხალი და უწყვეტი კავშირი იყო ასურელი მამებისა და გრიგოლ ხანძთელის მიერ დაარსებულ სასულიერო ცენტრებთან, სადაც ცნობილი მოსაგრენი მოღვაწეობდნენ.

ყველამ ვიცით, რომ 70-წლიანმა ათეისტურმა პერიოდმა ქვეყანას მძიმე დაღი დაასვა, მაგრამ ყოვლადწმიდა ღვთისმშობლის მეოხებით ჩვენი ერი კვლავ დაუბრუნდა ეკლესიურ ცხოვრებას და დღეს, მიუხედავად მრავალი პრობლემისა, დგას ჟამი სულიერი ფერისცვალებისა. ჩვენ მადლობას ვწირავთ ღმერთს იმისათვის, რაც მისი შეწევნითა და ხალხის თანადგომით დღემდე გაკეთდა.

საეკლესიო ცხოვრების განახლება რთული და წინააღმდეგობრივი პროცესია. ამ საქმეში სამღვდელოებასთან ერთად ხალხის მონაწილეობა, რა თქმა უნდა, მისაღებია, მაგრამ სამოქალაქო, ანუ ღია საზოგადოების წესების გამოყენება და დანერგვა ეკლესიაში ისევე არაბუნებრივია, როგორც საღვთო იერარქიული წყობის შეტანა დემოკრატიის სივრცეში.

არამართლმადიდებლურ ქრისტიანულ სამყაროში არის მაგალითები როგორც ეკლესიის აქტიური ჩარევისა სახელმწიფო სტრუქტურებში, ასევე პირიქით - საერო პრინციპების დამკვიდრებისა ეკლესიაში. მართლმადიდებელი ეკლესია კი ყოველთვის ინარჩუნებდა ზომიერებას და განრიდებული იყო მსგავს უკიდურესობებს. დღესაც ჩვენ ამ პოზიციის დამცველნი ვართ; ჩვენთვის ამოსავალია წმ. წერილის სიტყვები: "ნუ მისდრკები მარჯულ, ნუცა მარცხულ, არამედ გზასა სამეუფოსა ვიდოდეთ" (2 სჯ. 5, 32, `17-11`).

დღეს ერთ-ერთი უმძიმესი პრობლემაა ღირებულებათა გაუფასურება. ადამიანებს, განსაკუთრებით კი, ახალგაზრდებს, არწმუნებენ, თითქოს სამშობლოს სიყვარული, უფროსისადმი პატივისცემა, პატიოსნად ცხოვრება, ენისა და სარწმუნოების დაცვა და სხვა, ჩვენი ხალხისათვის დამახასიათებელი, ტრადიციები მოძველდა. ამ აზრის დამკვიდრებას ხელს უწყობს ზოგიერთი სატელევიზიო პროგრამა, ჟურნალ-გაზეთი და სხვა საინფორმაციო საშუალებანი. ამასთან, ისინი თესენ შიშს ხვალინდელი დღისადმი და აღვიძებენ მდაბალ ინსტინქტებს. თანამედროვე ადამიანისათვის ყოველივე ნებადართული ხდება: მრუშობაც, აბორტიც, მკვლელობაც, თვითმკვლელობაც, ძალადობაც, მამათმავლობაც, ნარკომანიაც და სულიერი დეგრადაციის სხვა გამოვლინებები. პირველ რიგში, უნდა აიკრძალოს პორნოპროდუქციის ლეგალიზაცია და ყაჩაღობისა და ძალადობის მქონე ფილმების ჩვენება. მეტად სამწუხაროა, რომ გარკვეული ძალები ცდილობენ ზნეობრივი გახრწნის პროცესს სკოლის ასაკიდანვე შეუწყონ ხელი და ამისთვის სახელმძღვანელოებიც კი შეიმუშავეს. ეკლესია ასეთი საკითხებისადმი გულგრილი ვერ დარჩება, რადგან სინამდვილეში ეს არის ტოტალური ქადაგება ურწმუნოებისა, მიწიერ საცდურთა საშუალებით ხალხის შეცდომაში შეყვანა და მათი სულების გაწირვა დაღუპვისათვის.

არ შეიძლება საზოგადოებამ ნება დართოს უზნეობის, უვიცობის, არაპროფესიონალიზმის და ანტიეროვნული ფასეულობების დამკვიდრებას. დღეს, როგორც არასდროს, საჭიროა კავშირი სკოლას, ოჯახსა და ეკლესიას შორის, რადგან პროცესები თუ ასე განვითარდა, საფრთხე, უპირველეს ყოვლისა, ოჯახს და სახელმწიფოს ემუქრება.

ჩვენს ქვეყანაში მიმდინარე პროცესებზე პასუხისმგებლობა ხელისუფლებასთან ერთად უნდა იტვირთოს თითოეულმა ჩვენგანმა, განსაკუთრებით კი, ინტელიგენციამ და ახალგაზრდობამ. ყველანი უნდა დავდგეთ ჩვენი სულიერი და ეროვნული ღირებულებების სადარაჯოზე. ჩვენმა ერთობამ მოგვაპოვებინა თავისუფლება და შეგვანარჩუნებინა ეროვნული ღირსება. ჩვენი მომავალიც ერთობაშია.

ბოლო დროს მეტად აქტუალური გახდა კორუფციასთან ბრძოლის საკითხი. რასაკვირველია, ეს ბრძოლა აუცილებელია, მაგრამ ყველამ უნდა გაითვალისწინოს, რომ რეალური შედეგი მიღწეული იქნება მხოლოდ იმ შემთხვევაში, თუ ხელისუფლების დახმარებით ხალხი შექმნის კონკურენტუნარიან პროდუქციას და აიმაღლებს შემოსავალს. ეს კი ბუნებრივად გულისხმობს ეროვნული ეკონომიკისათვის მტკიცე საფუძვლის ჩაყრას და ხალხის დასაქმების საშუალებათა შექმნას, რათა ჩვენმა მოქალაქეებმა ჩვენს ქვეყანაშივე ჰპოვონ თავისი ადგილი შრომის პროცესში. გასათვალისწინებელია ისიც, რომ ეროვნული ეკონომიკა ვერ შეიქმნება, თუ მოხდება სახელმწიფოს სტრატეგიული მნიშვნელობის უმთავრესი რესურსებისა და ობიექტების გასხვისება და კერძო სექტორში გადაცემა.

ნორმალური ანაზღაურებით სამუშაო ადგილების გამრავლება ბუნებრივად გამოიწვევს უცხოეთში სასწავლებლად და სამუშაოდ წასული ჩვენი მოქალაქეების დროულად უკან დაბრუნებას. არადა, ეს პრობლემა სერიოზულია. დიდხანს ფესვებს მოწყვეტილი ადამიანი ხომ ადვილად კარგავს ეროვნულ თვითშეგნებას, თავის მეობას და საზოგადო მასის უსახო ნაწილი ხდება. ეს საშიშროება ემუქრებათ საზღვარგარეთ უკვე წლობით მცხოვრებ ჩვენს თანამემამულეებს.

გვინდა აღვნიშნოთ, რომ ამ რამდენიმე თვის წინათ დასავლეთ ევროპაში სწორედ იმ მიზნით შეიქმნა საქართველოს საპატრიარქოს დაქვემდებარებაში არსებული ეპარქია, რომ ხელი შევუწყოთ, ერთის მხრივ, ჩვენი მოქალაქეების სულიერი კავშირის განმტკიცებას დედა ეკლესიასთან და სამშობლოსთან, ხოლო, მეორეს მხრივ, - მათ დაბრუნებას საქართველოში.

დღეს, როდესაც ჩვენს შორის მრავალი ადამიანი განიცდის სულიერ და მატერიალურ დიდ შეჭირვებას, ყოველ ჩვენგანს მართებს გამოიჩინოს განსაკუთრებული თანაგრძნობა და თანადგომა მათ მიმართ. დღევანდელი მდგომარეობა, ალბათ, გაცილებით მძიმე იქნებოდა, რომ ჩვენი ერი არ მისდევდეს მაცხოვრის მცნებას: "ურთიერთას სიმძიმე იტვირთეთ და ესრეთ აღასრულეთ სჯული იგი ქრისტესი". ვიმედოვნებთ, თანალმობის ეს დიდი მადლი არასოდეს მოაკლდება ჩვენს ხალხს.

საერთო მდგომარეობას ისიც ამძიმებს, რომ ბოლო დროს მრავალი ახალგაზრდა წავიდა ამ ქვეყნიდან. ზოგმა სიცოცხლე გასწირა სამშობლოსათვის, ზოგიც გარდამავალი პერიოდის დაძაბულობას და სირთულეებს შეეწირა. გვინდა მივმართოთ მწუხარებით სავსე მათ მშობლებსა და ახლობლებს, რომ გარდაცვალება არ ნიშნავს გაქრობას. იცოდეთ, ისინი ცოცხალნი არიან და თქვენი ლოცვა და სიყვარული უდიდესი ნუგეშის მიმნიჭებელია მათი სულებისათვის. ამიტომაც ნუ მიეცემით უნუგეშობას, იცხოვრეთ რწმენით და ეცადეთ მათ სახელზე სიკეთის ქმნას.

ისევე, როგორც პიროვნების განსაცდელი, ერის განსაცდელიც ღვთისაგან მისი სულიერი ამაღლებისთვის ხდება. ჩვენ ყველანი ახლა ამ პროცესს გავდივართ და დარწმუნებულნი ვართ, რომ თუ სწორ ნაბიჯებს გადავდგამთ, იგი ზეცად აღმყვანებელ ჩვენს სულიერ კიბედ იქცევა. ის კი, ვინც გაურბის უფლისგან დაშვებულ ამ გამოცდას და იოლ გზას ეძებს, უარს ამბობს დიდების გვირგვინზე. ამიტომაც მოვლენებს სულიერი თვალით უნდა შევხედოთ და უფრო ღრმად გავაანალიზოთ ჩვენი ცხოვრება, რათა მართებული დასკვნები გამოვიტანოთ.

დიახ, დროა, თითოეული ჩვენგანი ღრმად ჩაუფიქრდეს თავის ყოფას, მიუკერძოებელი შეფასება მისცეს თავის ქმედებებს და ეძიოს გზა სრულყოფისაკენ. გამოსწორება ყველამ საკუთარი თავიდან უნდა დაიწყოს. ნებისმიერი ადამიანი - საერო თუ სასულიერო პირი მხოლოდ ამ შემთხვევაში იგრძნობს ღმერთთან სიახლოვეს და ადვილად გაუმკლავდება მის გარშემო არსებულ მრავალ სიძნელეთ.

საგანგებოდ მივმართავთ აფხაზეთისა და სამაჩაბლოს მიწა-წყლის შვილებს, როგორც იქ დარჩენილთ, ისე დევნილებაში მყოფთ. ბოროტმა ძალამ დაარღვია ჩვენი ერთობა და მშვიდობა, მაგრამ ვიმედოვნებთ, მკვდრეთით აღმდგარი მაცხოვარი - უფალი ჩვენი იესო ქრისტე კვლავ მოგვანიჭებს მშვიდობას და დაგვიბრუნებს ერთობას.

კარგად ვხედავთ, თუ რამდენად მძიმე იყო თქვენთვისაც და ჩვენთვისაც ერთმანეთისგან დაშორების წლები. სერიოზული შეცდომები ორივე მხრიდან იყო დაშვებული. და თუ დღეს გვსურს წინსვლა, უნდა ვაპატიოთ ერთმანეთს, უნდა შევრიგდეთ, ვიცხოვროთ და ვაშენოთ ერთად.

ეკლესია გმობს ტერორიზმს, მათ შორის, საერთაშორისო ტერორიზმს და მხარს უჭერს კონფლიქტების მშვიდობიანი გზით მოწესრიგებას იმ მძიმე პროცესებში, რომლებიც დღეს მსოფლიოში ვითარდება. ჩვენი ერთად დგომა ჩვენი გადარჩენის საწინდარია.

ეკლესია სთავაზობს სახელმწიფოს თავის შესაძლებლობებს ჩვენს ყოფაში დღეს არსებული პრობლემების დასაძლევად, რადგან სახელმწიფოს თანადგომა მართლმადიდებელი ცხოვრების წესისათვის დამახასიათებელი მოვლენაა.

"საერო ხელისუფლება და სასულიერო უწყებანი ერთმანეთს ისევე ეკუთვნიან, როგორც ხორცი და სული, და სახელმწიფოს მოწყობისათვის ისევე აუცილებელნი არიან, როგორც ხორცი და სული ცოცხალი ადამიანისათვის. მათი კავშირი და თანხმობა სახელმწიფოს კეთილდღეობას განაპირობებს" (ეპანაგოგა, იმპერატორი იუსტინიანე).

ჩვენ გვესმის, თუ რამდენად ძნელია ერთი სოციალურ-ეკონომიკურ-პოლიტიკური სისტემიდან მეორეში გადასვლა, გვესმის ისიც, რომ აღნიშნულ პროცესთან დაკავშირებულ უარყოფით მოვლენებს გვერდს ვერ ავუვლით, მაგრამ არის რიგი საკითხებისა, რომლებზეც ჩვენ ჩვენი პოზიცია გვაქვს და ამას საჯაროდაც ვამბობთ.

ასე რომ, ჩვენ უფლებას ვიტოვებთ, შეფასება მივცეთ ქვეყანაში მიმდინარე იმ პროცესებს, რომლებსაც უშუალო შეხება აქვს ეკლესიასთან, ჩვენს მრევლთან და ეკლესიური ცხოვრების წესთან.

რაც შეეხება მოახლოებულ საპარლამენტო არჩევნებს, ეს უმნიშვნელოვანესი მოვლენაა ჩვენი ქვეყნის ცხოვრებაში. ბუნებრივია, რომ მას თან ახლავს ვნებათაღელვა და დებატები, მაგრამ, სამწუხაროდ, შეინიშნება პოლიტიკური დაპირისპირების გადაზრდა არაეთიკურ და, ზოგ შემთხვევაში, ძალადობრივ გამოვლინებებში, რაც შეიძლება მეტად მძიმე შედეგის მომტანი აღმოჩნდეს ქვეყნისათვის.

მოვუწოდებთ პოლიტიკურ პარტიებს, ერთმანეთის კრიტიკის ნაცვლად ამომრჩევლებს სამოქმედო პროგრამა გააცნონ და უფრო ხშირად ამის შესახებ ისაუბრონ, რომ ხალხს სწორი განსჯისა და არჩევანის საშუალება მიეცეს. ჩვენ, ასევე მოვუწოდებთ მოსახლეობას, აქტიურობა გამოიჩინოს არჩევნებისას და აუცილებლად დააფიქსიროს თავისი პოზიცია.

გვინდა აღვნიშნოთ ისიც, რომ, მართალია, ქვეყნის დემოკრატიული მოწყობა თავის თავში მრავალპარტიულობას და, გარკვეულწილად, ურთიერთდაპირისპირებას გულისხმობს, რაც ამ ტიპის სახელმწიფოსათვის ბუნებრივი პროცესია, მაგრამ ტერიტორიულად პატარა და, მით უმეტეს, განსაკუთრებულ გეოპოლიტიკურ სივრცეში მყოფი სახელმწიფოსათვის აუცილებელი პირობაა ერის გამაერთიანებელი და შემაკავშირებელი ინსტიტუტის არსებობა. ჩვენი ხალხისთვის ერთ-ერთ ასეთ უმთავრეს ძალას, როგორც აღვნიშნეთ, საქართველოს ეკლესია წარმოადგენს. ამიტომაც იყო, რომ პოლიტიკური ცხოვრების დემოკრატიულ წესზე გადასვლის შემდეგ საქართველოს საპატრიარქო მუდმივად აფიქსირებდა და აფიქსირებს ნეიტრალიტეტს ქვეყნის შიგნით არსებული ნებისმიერი პარტიისადმი.

ეკლესია სულის საცხოვნებელი ადგილია და იგი ყველა მართლმორწმუნეს თანაბრად ეკუთვნის. ტაძარი სახლია უფლისა, ხოლო "მიკერძოება უცხოა ღმრთისათვის" (რომ. 2.11). ეს ყველამ კარგად უნდა გააცნობიეროს და გაითავისოს. აქედან გამომდინარე, ნებისმიერი სასულიერო თუ საერო პირი, ანდა პოლიტიკური ძალა, რომელიც შეეცდება წარმოაჩინოს ეკლესია რომელიმე პარტიის მხარდამჭერად, ნებსით თუ უნებლიეთ ეროვნული ინტერესების და ეკლესიის პოზიციის საწინააღმდეგოდ მოქმედებს. ამიტომაც სასულიერო პირებს წმ. სინოდის დადგენილებით აკრძალული აქვთ ამა თუ იმ პოლიტიკური ბლოკის, პარტიის წევრობა და მათი საჯაროდ მხარდაჭერა.

კიდევ ერთხელ ვაცხადებთ: საქართველოს ეკლესია მზად არის თანადგომა გაუწიოს ხელისუფლებას, პოლიტიკურ პარტიებსა და ყველა იმ საზოგადოებრივ ორგანიზაციას, საერთოდ ყველას, ვინც ქვეყნის ეროვნულ-სარწმუნოებრივი ინტერესების დაცვით საქართველოსა და ქართველი ერის საკეთილდღეოდ წარმართავს თავიანთ საქმიანობას.

ქვეყნის აღორძინებისათვის, რომ უდიდესი მნიშვნელობა აქვს, რამდენად ღვთისმოსავია ხალხი, კარგად ჩანს დავით წინასწარმეტყველის სიტყვებიდანაც: "ნეტარ არს ერისა მის, რომლისა არს უფალი ღმერთი მათი" (ფსალ. 143, 15). სიყვარულით მოვუწოდებთ საქართველოს მკვიდრთ: "გულისხმა-ჰყოფდით, რა იგი არს ნება უფლისა" (ეფეს. 5,17). ჩვენის მხრივ შევთხოვთ უფალს, რომ ამ სულისკვეთებით განიმსჭვალოს სრულიად საქართველო, რათა ჩვენც ჩვენს დიდებულ წინაპართა მსგავსად ვთქვათ: "არ გეცრუვებით შენ სიწმინდით მშობელო ჩვენო წმიდაო კათოლიკე (საყოველთაო) ეკლესიაო! არც გიღალატებთ შენ, ჩვენო სიამაყევ, მართლმადიდებლობავ!" (რუის-ურბნისის კრების ძეგლისწერა).

ღმერთმა დალოცოს, გააძლიეროს და გაამთლიანოს სრულიად საქართველო, ამინ!


პ.ს. ჩემთვის ძალზე სასიამოვნოა ამ მიმართვის წაკითხვა

ბაჩო, დააკვირდი აქ შეყრილი აქტივის სულიერ მისწრაფებებს. ყველაფერი აინტერესებთ სადო- მაზოხიზმის ჩათვლით.ყველაფერი სულიერების გარდა. ერთი სიტყვით არ მინდა წავბილწო თემა..

[ This Message was edited by: zara on `2003-09`-14 12:17 ]

ბაჩო, კარგი ჰქენი, რომ ამ ფორუმზე რომ გამოაქვეყნე ეგ წერილი. ”იქ” (მიხვდებით, სადაც) უკვე ვთქვი, აქ კი სიტყვებს გადავალაგებ და სხვანაირად დავწერ: ძალიან მართებული და დროული მიმართვაა და სიამოვნებით ვეთანხმები ყველაფერში.

"ნოსტალგია" მოგესალმებათ საბერძნეთიდან, ათენიდან
ნოსტალგია არის პირველი და ერთადერთი ქართული გაზეთი საბერძნეთში.
იქნებ ვინმემ იცის კიდევ რომელ ქვეყნებში გამოდის ქართული გაზეთები.

ძნელია ამ მიმართვიდან რომელიმე პუნქტის გამოყოფა, მაგრამ მაინც გამოვყოფ სამიოდე პუნქტს:

დღეს ერთ-ერთი უმძიმესი პრობლემაა ღირებულებათა გაუფასურება. ადამიანებს, განსაკუთრებით კი, ახალგაზრდებს, არწმუნებენ, თითქოს სამშობლოს სიყვარული, უფროსისადმი პატივისცემა, პატიოსნად ცხოვრება, ენისა და სარწმუნოების დაცვა და სხვა, ჩვენი ხალხისათვის დამახასიათებელი, ტრადიციები მოძველდა. ამ აზრის დამკვიდრებას ხელს უწყობს ზოგიერთი სატელევიზიო პროგრამა, ჟურნალ-გაზეთი და სხვა საინფორმაციო საშუალებანი. ამასთან, ისინი თესენ შიშს ხვალინდელი დღისადმი და აღვიძებენ მდაბალ ინსტინქტებს. თანამედროვე ადამიანისათვის ყოველივე ნებადართული ხდება: მრუშობაც, აბორტიც, მკვლელობაც, თვითმკვლელობაც, ძალადობაც, მამათმავლობაც, ნარკომანიაც და სულიერი დეგრადაციის სხვა გამოვლინებები. პირველ რიგში, უნდა აიკრძალოს პორნოპროდუქციის ლეგალიზაცია და ყაჩაღობისა და ძალადობის მქონე ფილმების ჩვენება. მეტად სამწუხაროა, რომ გარკვეული ძალები ცდილობენ ზნეობრივი გახრწნის პროცესს სკოლის ასაკიდანვე შეუწყონ ხელი და ამისთვის სახელმძღვანელოებიც კი შეიმუშავეს. ეკლესია ასეთი საკითხებისადმი გულგრილი ვერ დარჩება, რადგან სინამდვილეში ეს არის ტოტალური ქადაგება ურწმუნოებისა, მიწიერ საცდურთა საშუალებით ხალხის შეცდომაში შეყვანა და მათი სულების გაწირვა დაღუპვისათვის.

არ შეიძლება საზოგადოებამ ნება დართოს უზნეობის, უვიცობის, არაპროფესიონალიზმის და ანტიეროვნული ფასეულობების დამკვიდრებას. დღეს, როგორც არასდროს, საჭიროა კავშირი სკოლას, ოჯახსა და ეკლესიას შორის, რადგან პროცესები თუ ასე განვითარდა, საფრთხე, უპირველეს ყოვლისა, ოჯახს და სახელმწიფოს ემუქრება.

ჩვენს ქვეყანაში მიმდინარე პროცესებზე პასუხისმგებლობა ხელისუფლებასთან ერთად უნდა იტვირთოს თითოეულმა ჩვენგანმა, განსაკუთრებით კი, ინტელიგენციამ და ახალგაზრდობამ. ყველანი უნდა დავდგეთ ჩვენი სულიერი და ეროვნული ღირებულებების სადარაჯოზე. ჩვენმა ერთობამ მოგვაპოვებინა თავისუფლება და შეგვანარჩუნებინა ეროვნული ღირსება. ჩვენი მომავალიც ერთობაშია.


პ.ს. უზნეობის და აღვირახსნილების დასაცავად, ამ ფორუმზე, ორი-სამი პიროვნება ყოველთვის მზად იყო... ვნახოთ, ახლა, ვინ რას დააფიქსირებს

[ This Message was edited by: ბაჩო on `2003-09`-14 17:41 ]

საინტერესოა
_________________
ხომ ლამაზია ეს საქართველო? მაგრამ მე უფრო ლამაზი მინდააააააა

[ This Message was edited by: ამანდა on `2003-09`-14 23:00 ]

ბაჩო, დიდი მადლობა,რომ იზრუნე ჩვენზე წაგვეკითხა ეს მიმართვა.მინდა კიდევ გადავიკითხო.კარგად არის ასახული საფრთხე, რაც ემუქრება საქართველოს.
ვფიქრობ, ისტორიული დოკუმენტია.

რა თქმა უნდა დღევანდელობისათვის უმნიშვნელოვანესი მიმართვაა სრულიად საქართველოსადმი, თუმცა კი მე მიანც მიმაჩნია რომ ეს მიმართვა ხელისუფლებასთან ერთად უნდა გაეკეთებინა ეკლესიას. ამიტომ სამწუხაროდ მიმაჩნია, რომ ეს მიმართმა მიმართვადვე დარჩება.

ძალიან მნიშვნელოვანი მიმართვაა...

მაგრამ მეც, ვახოსი არ იყოს, ეჭვი მეპარება , რომ ეს მიმართვა დარჩება "ხმად მღაღადებლისა უდაბნოსა შინა..."

მეც ასე მგონია.საქართველო ძლიერი იყო მაშინ,როცა მას მტკიცე მართლმადიდებელი მეფე მართავდა.

ბაჩო! მაგ თემაზე "ომი" რამდენი ხანია გავმართე(თ) ამ ფორუმზე და შედეგად ის მივიღე,რომ მგონი დავტოვო აქაურობა.იმოტომ რომ ბევრი ნაწერი და ნააზრევი წამიშალა "უხილავმა ხელმა".ეტყობა ვიღაცას "ნამეტნავად" არ მოეწონა,რომ ასე "მახვილით ხელში" დავდექი(თ),რწმენის,ქართველობის,ზნეობისა და საქართველოს დასაცავად!!!
ღმერთი მაღალია და მოწყალე!!!

სად არის სულიერი მისია? ნუთუ ამოშალეთ?
:smile:ამას ქვია ვაჯკაცები

სირცხვილი ამ ფორუმს,რუსთავი2 და მის "ბატონებს"-ცენზურააა!!!!

შეიძლება ამ ფორუმის მრავალმა წევრმა არც იცოდეს-დღეს, საქართველოს არსებული "ხელისუფლება" ჩვენს ქვეყანაში მყოფ ვატიკანის დელეგაციასთან აპირებდა ხელშეკრულების გაფორმებას საქართველოს მართლმადიდებლური ეკლესიის და ქართველი ერისაგან ფარულად... ქართველი ერისა და ჩვენი ქვეყნის ახალგაზრდობის საუკეთესო ნაწილის ძალისხმევით ჩაშლილი იქნა ეს მზაკვრული გარიგება.... ხელშეკრულების რამოდენიმე პუნქტი კი მართლმადიდებელი საქართველოსათვის ზურგში მახვილის ჩაცემის ტოლფასი იყო! ერთ-ერთი პუნქტის თანახმად, საქართველოს "ხელისუფლება" ნებას რთავდა ვატიკანს ჩვენს ქვეყანაში მრავალ ადგილას გახსნილიყო კათოლიკური ეპარქიები და აშენებულიყო მათივე ეკლესიები... ამ "დოკუმენტზე" ხელმოწერის შემთხვევაში კი საქართველო, როგორც სახელმწიფო, სულ მალე შეწყვეტდა არსებობას, რადგანაც მართლმადიდებლობის გარეშე არ არსებობს საქართველო! ამას მოჰყვებოდა სხვა და სხვა სექტების ანალოგიური მოთხოვნა, რაც კატასტროფის ტოლფასი იქნებოდა!!!

მადლობა ღმერთს, საფრთხე აცილებულ იქნა! ნეტავ დიდი ხნით?

[ This Message was edited by: ბაჩო on `2003-09`-19 05:04 ]

აღშფოთებული ვარ !
:sad:

აქ იდეოლოგიური ომია გაჩაღებული და ზოგიერთი მეუბნება დაუთმეო! ვის დავუთმოთ მტრებს?
ამ სექტანტებს?
ესენი დამინდობენ ან მე ან ჩემს შვილს?
აქ ერთი ქალის ომი გონიათ გაურკვევლებს მის ზურგს უკან კი ის შავი ძალები დგანან ,რომელმაც წალეკეს ჩემი ქვეყანა!
ამიტომ ეგ არ არის ანაკონდასთან ,ერთ ქალთან ომი ,
ეგა იდეოლოგიის წინააღმდეგ აღმართული მახვილი!

ღმერთი არ გვწირავს...!!! :smile: :smile: :smile:

ბაჩო პოლიტიკაში ხომ ამბობ კარგად ერკვევი?
ეს არის ედუარშოუ :smile:
აბა განძრიე ტვინის ყველა უჯრედი და მომისნინე:
რატომ ჩავიდოდა ვატიკანის წარმომადგენელი საქართველოში მაინცდამაინც არჩევნების წინ?
თუ მოწვევა არ იყო მთავრობისგან.
რა უფლება აქვს პრეზიდენტს? რომელიმე რელიგის წარმომადგენელი უფრო მეტი პრივილეგია მისცეს ვიდრე მართმადიდებლურს საქართველოში, რეფერენდუმის გარეში და ხაკხის სურვილის გარეშე?
და რატომ მოხდა ისე რომ სტუდენტების გამოსვლის მერე პრეზიდენტმა უარი თქვა ამ ხელშეკრულებაზე :smile:?
ედიკ უმნი აფერისტ
თუ ზვიადის და მერაბის გარზრდილი ხარ ?პოლიტიკური შორს მჭვრეტელობა არ უნდა გაკლდეს. ყოველ შემხვევაში ზურა ჭავჭავაძე ყოველთვიას აანალიზებდა ყველა ვარიანტებს.
ეხლა რა მოხდა ამ შოუს მოწყობით
ედომ დაანახა, მართალია კორუპირებული მთავრობაა მაგრამ ხალხის და რელიგის მიმართ ლოიალურია ვითომ, ამ Qმედებით კი ხმების რაოდენობას მორწმუნე ხალხში მიღღებს :smile:
ესეთი ედუარდ შოუები ბევრი იყო
გაიხსენე 1978 როგორ გამოიყენა ისიც.

ჰმმ, ბაჩო ან შენ ხარ გურამა შარაძის აგენტი, ან ის შენი LOL
არ გცხვენია? ეს ხომ პარანოიააა
ნორმალურად მიგაჩნია რაც ხდება ეხლა?
სტუდენტებს ლექციაზე ჯდომა რომ ეზარებათ და გარეთ არიან გამოყრილები... და კარგად ვერ ხვდებიან რის წინააღმდეგ... საბოტაჟი... ინტერპრეტაცია ბნელი და უსაფუძვლო!
კატოლიციზმის წინააღმდეგ გაილაშქრა საქართველომ?! ჯერ აფხაზეთი დავიბრუნოთ, და უფრო დიდი და ძლიერი რომ ვიქნებით მერე შევუტიოთ რელიგიებს...
21 საუკუნე კი არა ქვის ხანაა!
სირცხვილია!
პარანოიკების პარადია და კაცი პატრონი არ ჩანს...

არა, მარტო ის არ იყო, რომ ნება ეძლეოდათ კათოლიკური ეკლესიების აშენების, მაგას ახლაც ვერაფერი დაუშლის, მაგრამ იმ ხელშეკრულებით სახელმწიფოს გარანტიებიც უნდა მიეცა რაღაც-რაღაცეებზე, მაგალითად, შესაბამისი განათლების უზრუნველყოფა და ა.შ.
მაგრამ, არ გეცინებათ??? გარანტიების მიცემას არ უნდა ერთი ადგილი??? სახელმწიფოს რომ ასეთი არ გააჩნია, როგორ იძლევა გარანტიებს?

კიდე არის რამდენიმე აბსურდი, მაგალითად, დავის შემთხვევაში იმ მხარესა და ამ მხარეს შორის, უნდა შეიქმნას კომისია (ორივე მხარის წარმომადგენლებით), რომელიც სადაო საკითხებს გადაწყვეტს. რა პონტია კომისიამ გადაწყვიტოს მაგალითად ქონებაზე დავის საკითხი, როცა არსებობს სასამართლო??

სტუდენტები კი არა, ამ საქმეში ის იურისტები უნდა ჩაერთოთ, ვინც მუშაობდა რელიგიის საკითხებზე.

გურამ შარაძე და ბუასილ მკავალიშვილი რასაც აკეთებენ ყველამ იცის.
მათ უნდა შექმნან ნიადაგი იმისათვის მერე ათასი სექტა აღმოცენდეს.
მე მახსოვს ის დრო როდესაც საქართველოს პირველი მისიონერები აწყდებოდნენ. ყველას კანადის მოქალაქეობა ქონდა ნაყიდი და რატომღაც ყველა სემიტი იყო.
მე თვითონ ამ საკითხებს ვკუირებდი მრგვალ მაგიდაში.
მახსოსვ კრიშნაიდების გურუ - ნაჭყებია(მამამისი სუკის პოლკოვნიკი იყო ემელიან ნაჭყებია) და სომეხი რაფიკა გურუს მოდგიელები დავიბარე და გავაფრთხილე ბავშვებს ნუ ითრევთ მეთქი თქვენს სექტაში. თან მკაცრად დავემუქრე.
მეორე დღეს ბავშვები დასვეს ბავშვთა სამყაროს წინ და დაიწყეს სიმღერა ჰარი.. კრიშნა და ისევ წიგნების გაყიდვა. ბოლოს ჰათხა იოგის ჯგუფიც ყავდათ ნავარჯიშები ბიჭები, რომ ჩვენთვის პროვოკაცია მოეწყოთ.
სამნი მოვედით და რაფიკას ვეუბნებით, ხომ მოვილაპარაკეთ, რომ ბავშვები არ გამოიყვანოთ ქუჩაში მეთქი. ამ შუბლზე სისხ წასმულმა გურუს მოადგილემ მითხრა, წადი თორემ ნახავ რაც მოგივაო.მთავარ გურუსთან გავაგზავნეთ წერილიო რომ ჰელსინკის კავშირი გვავიწროვებსო. ბოლოს ეს შეხლა შემოხლაში გადაიზარდა.ამ დროს თავს დაგვესხნენ ჰაჰათხა იოგის ბიჭები. მათ შორის ჩემი ძმაკაცი ცხონებული დიმა ჭურღულია. შარტავასთან ერთად რომ დახვრიტეს აფხაზებმა.აფხაზეთის გმირი ვაჟკაცი და ჩემი ძმა.
აქ რა გინდა მეთქი კაცო?
რავი იოგას ვვარჯიშობ და მითხრეს ხულიგნებისაგან დავიცვა უნდა ბავშვებიო.
დავარდნილი რაფიკა ყვიროდა დიმა დაარტყი რას უდგეხარ ხედავ მოგვკლეს ამ ოხრებმაო.
ცხონებულმა დიმამ რაფიკას პანღური უთავაზა და მის მერე არსოდეს გაკარებია მათ.
მეორე დღეს ბატონ ზვიადთან იჩივლეს ,რომ მე დავარბიე.
მე შორიახლოს ვიდექი და ვუსმენდი რას ამბობდნენ ჩემზე. ბატონმა ზვიდმა გამაფრთხილა ამათ ეგ უნდათ ძალიწ იწვევენ პანიკას რომ რეკლამა გაიკეთონო და მომთხოვა მეთოდები შემეცვალა.
მერე აღშფოთებული გაიძახოდა: ეხლა ინდოელი გურუს ჩამოსვლა გვინდა კაცო საქართველოშიო?
ნაჭყებია ითხოვდა ბატონი ზვიდისაგან ჩემს დასჯას.
-კი გენაცვალე ამას დავსჯით, მაგრამ თავი გაანებეთ იმ კრიშნას რააა.. ამოლიპარაკა ბატონმა ზვიდმა.
ყველას გაგვეცინა.
მერე მე მომიბრუნდა როცა ნაჭყებია წავიდა: იცი მეგობარო, თუ რამეს აკეთებ ასეთი კვალი არ უნდა დატოვოო.
გურამ შარაძე და მამა ბუასილი ძალით იწვევენ პროვიკაციებს რომ უცხოეთში დათესონ ,რომ ჩვენთან რელიგიური შუღლია.ისინი ამარაგებენ ინფორმაციით და ისინი ინახავენ მათ. ამ აურზაურში საქართველოს სექტები მერე მოითხოვენ თანაბარ უფლებებს .
საქართველო იღოვის მოწმეების რაოდენობით ზრდის ტემპით 25 %-ია წელიწადში და მსოფლიოში პირველ ადგილზეა.სულ 30 ათასი ქართველია გაერთიანებული ამ სატანისტურ მიმდინარეობაში.
ამაში ლომის წვლილი იმ გურმის და ბუასილს მიუძღვის.
ამას ემატებიან ათასი ჯურის 50 ანელები, 70ათინელები, ადვენტისტები, ბაბტისტები, რძის და შხამი ს საძმოები.
ასე რომ ჩვენ არა ვართ ბუასილისტები ..ჩვენ ვხედავთ რელურ საფრთხეს და ამაზე რეაქციას სხვა მეთოდით ვაკეთებთ.
მახსოვს სენაკში ბაბტისტების სექტა იყო .სადაც სექსუალურ ორგიებს აწყობდნენ და გახდილი დადა ძმა გამოათრია ხალხმა იმ ორგიიდან..
ერთხელ შეცდომა ყველას მოსდის და მეც გემოზე გადავუარე ერთხელ კრიშნაიდებს. :smile:

ინფორმაცია მომივიდა თბილისში რომ საძმოები იყო ყველა უბანში, თურმე რუსეთის კგბ ხელმძღვანელობდა, რომ დესტაბილიზაცია ყოფილიყო ქალაქში,
ეს შოუც მაგიტომ მოაწყვეს.
ყველა სექტა და ყველა რელიგია თავისუფალი უნდა იყოს, მაგრამ ძალით და მთავრობის ხელშეწყობით არ უნდა ძვრებოდეს ქვეყანაში.
ვერავინ ვერ დამაჯერებს, რომ ეს იაღოელები და სხვადასხვა სეკტები, თვითონ მთავრობის დახმარებით და ხელშეწყობით არ იყვნენ საქართველოში შემოსული.
სადაა მართმადიდებლური ეკლესია? რატომ არ ამაგრებს ხალხის რწმენას?
არასოდეს არ ყოფილა ქართველი მტრულად გამწყობილი: აგერ ორთაჭალაში სიონიცაა, სინაგოგაც და მეჩეთის, მაგრამ როდესაც ყოფილი კომუნისტები სპეციალურად შოუს აკეთებენ ეს უკვე საზიზღრობაა.
მოკლედ არჩევნებამდე კიდევ ბევრი შოუ იქნება გუშინ არ უყურეთ რა ხდებას?
ასლანსზე არ ყრიდა ხმებს მუსულმანიაო, ასლანმა 3 წლის წინ კათოლიკური ეკლესია ააშენა ბათუმში, პატარა და კოხტა, გახსნაზე ვიყავი.
არავინ ძალით არ შეუთრევიათ გინდა თუ არა კათოლიკი გახდიო, დადის რამდენიმე ფრანგი და იტალიელი ოჯახი მარა არ დაქცეულა ქვეყანა.
პარიზში როა ქართული ეკლესია, ფრანგები ისეთ პატივს ცემენ გესიამოვნება.
ძალადობაზე საზიზთრობა არაფერია, ეს გინდა კომუნიზმი იყოს და გინდა რელიგია.

_________________
ხომ ლამაზია ეს საქართველო? მაგრამ მე უფრო ლამაზი მინდააააააა

[ This Message was edited by: ამანდა on `2003-09`-19 19:33 ]

ერთი პატარა სიხარული. ხვალ ერთი ორთოდოქსი ქრისტიანით მეტი გვეყოლება.
ჩემმა მეზობელმა ლუთერანების ფინურმა ოჯახმა გვთხოვა მედა ჩემს მეუღლეს მოვუნათლოთ ორთოდოქსად ბავშვი..ხვალ დღის ორ საათზე აღსრულდება მონათვლის საიდუმლო რიტუალი..გაუმარჯოს ახალ ქრისტიანს!

ფინურ ემიგრაციაში ხშირია შემთხვევები .როცა ფინელები გვთხოვენ შვილების მონათვლას.ფინელები თითქოს მიუკარებელი ხალხია და თუ გული აჩვენე ბავშვივით ჩაგეკვრება!

სრულიად უნიკალური იყო ჰეიკელების ოჯახის შემთხვევა, როდესაც გაზეთში წაიკითხეს ბატონ ბესარინ გუგუშვილის ცხოვრების დეტალები გადაწყვიტეს და შვილიშვილს: რიგჰარდ ბესარიონ ჰეიკელ გუგუშვილი დაარქვეს!
ის გუგუშვილი ყმაწვილი იმ არტურ ჰეიკელის პირდაპირი შთამომავალია, ვინც გენერალ მანერჰეიმის პორტრეტი დახატა და ფინეთის სამხატვრო აკადემია დაარსა.
ასე, რომ ისინი ჩვენ გვიპირებენ, ხოლო ჩვენ იქით გავუკეთებთ მალე გლობალიზაციას
შევეცდები მოგაწოდოთ რიტუალის ფოტო მასალა!

ძალზე სასიამოვნოა :smile:
ველით ფოტომასალასაც

უცებ ეხლა რომ შემოვარდნენ ფინელები და ატეხონ როგორ თუ მართმადიდებელს ხდით ფინელსო :smile:არ გაგახსენდებათ თქვენი თავი?
სხვა რელიგის ხალხს რომ ლანძღავთ.
ასე რომ ხომ ხედავთ ღმერთი ერთია და ხანდახან თქვენც განათლინებთ სხვა რელიგის ოჯახის ბავშვებს, რომ მიხვდეთ რელიგია პირადულია და ყველას რელიგიას პატივი უმდა ვცეთ.

ბაჩო ,ვერ გავაგებინე ანაკონდას :
1.რომ ჩვენ მისნაირებისაგან განსხვავებით არ ვატყუიებთ ფინელებს და არ ვმალავთ რომ მართმადიდებლები ვართ.
არ ვუკითხავთ ლუთერანულ ფლასმუნებს და არ ვჯამბაზობთ ,რომ მაგათ სულთან ვართ ახლოს.
2.არ ვიქცევით როგორც სომეხი საქართველოში და მხოლოდ დროებითი სტუმრის სტატუსითა ვართ .
არ ვიქცევით ,როგორც უცხო თესლი და გუგულის კვერცხი!
3. არ ვძარცვავთ იმ სახელმწიფოს სადაცა ვართ და არ ვაწევართ მზიმე სოციალურ ტვირთად სოციალურ სამსახურებს.
4.ანაკონდებისაგან განსხვავებით ჩვენ არა ვართ შიმშილს გამოქცეული ბედის მაძიებელნი არამედ საკუთარი ერის მკვლელობაში არ მონაწილე ხალხი, რომელიც განერიდა სიბილწეს!
5.არავინ აპირებს აქ დამკვიდრებას და ფესვების გაშვებას.როცა სასარგებლო პოლიტიკური კლიმატი იქნება მაშინვე უკან წავა მთელი ემიგრაცია.
6.ვინ ვის უვარდება არ ვიცი მაგრამ თქვენ უვარდებით ანაკონდა ყველა ტოპიკში ხალხს, ალბათ გული გწყდებათ რომ შვედები ამზერით გიყურებენ.
რას იზამ..მარტო თქვენ არა ხართ ამ დღეში ყველა რუსი ამასა გრძნობს და საკმაოდ გამოკვეთილად.
თქვენი ცხოვრება რომ სამგალითო იყოს ვინესათვის მაშინ აგრე ბოღმით არ ილაპარაკებდით.
მე არავის მივვარდნივარ, არც ბაჩო..გამხილეთ მონოფიზიტი დიოფიზიტობას რომ იბრალებდით!
გათავდა და მორჩა!

მოიცათ ერთი!!!
რელიგიისადმი შემწყნარებლობა საქართველოში არავის ესწავლება(იყო უკვე აქ ამაზე საუბარი)!მაგრამ ის რაც გუშინ ხდებოდა,ეს იყო ფარული "ბომბი",რომლის შემოგდებასაც მტრები ცდილობდნენ და ვენაცვალე ქართველ ახალგაზრდობას,რომ "ხმლით ხელში" დაიცვეს თავიანთი (და მამაპაპათა) რწმენა!!! სწორედ ის რწმენა,რამაც ჩამოაყალიბა ქართული სახელმწიფოებრიობა,შექმნა ქართველი ერი (ქრისტეს ჯვრისქვეშ გაერთიანებული) და ისტორიულად გახადა ღვთის რჩეული ერი!!! ერი,რომლის სადარი რწმენაში სიმტკიცე, ქრიასტიანობაში არავის გამოუჩენია და რომელსაც ყველა დანარჩენ ერებზე (ქრისტიანული) მეტი მოწამენი და წმინდანები ყავს (ერთად აღებულნი)!!!რასაც გვერდს ვერ უვლის ვერცერთი ამბიციური ეკლესია და იძულებულები ხდებიან ეს აღიარონ!!!
მოღალატე მთავრობა საქართველოში ვის უკვირს ნეტავ?!მაგრამ სადაც საჭირო ხდება და გარდაუვალი,იქ ქართველი ხალხი თავის სათქმელს ყოველთვის ამბობდა და იტყვის კიდეც!!!

პ.ს. ეკლესიის მეთაურები იმასაც აღიარებენ,რომ მხოლოდ საქართველოში შეინიშნება ის,რომ მრევლის ძირითად ნაწილს ახალგაზრდობა წარმოადგენს,ანუ ქვეყნის მომავალი!!!
დიდება უფალს!!!





[ This Message was edited by: Laki on `2003-09`-22 12:55 ]

კარგია ლაკი ! ღმერთმა გაგახაროს! თუ ძლიერი რწმენა გვექნა მაშინ გვექნება ძლიერი მორალი!
ძლიერი მორალი -ძლიერი ოჯახი!
ძლიერი ოჯახი-ძლიერი ქვეყანა!
ძლიერი ქვეყანა-ძლიერი სახელმწიფო!
ასე ,რომ რუსებს დონამდის მოუწევს საზღვრების გადაწევა!
ძლიერი ჭრილობის შედეგად კომაში ვიყავი და სიზმრად ვნახე რომ უკვე მოხუცი ვიყავი. ვცხოვრობდი ტუაფსეში (ჩემი და კჯვაჯეში) ეგეთი დაბაა, რაც ნიშნავს მეგრულად სხვისათვის ფრანგული სიყვარულის შეთავაზებას!
მაღალი გორაკიდან,ე.ი ჩემი ეზოდან გადავყურებდი ულამაზეს ზღვის ყურეს და შვილიშვილების რიგი მედგა რომ რუსეთის მხარეს ზარბაზანი გაესროლათ!
ყველაზე მარჯვეებმა გამოქაჩეს ბაწარი და ზარბაზანმა გაისროლა! :smile:
ამით ვამცნეთ სამყაროს რომ გათენდა საქართველოში!

ყველას,ყველას ყველას!!!
ყველა მართლმადიდებელს,ქართველს,რწმენაში ძლიერს,შედარებით სუსტს თუ "ურწმუნოს"( :eek: )-ვულოცავ ღვთისმშობლის შობის (ღვთისმშობლობა) ბრწყინვალე დღესასწაულს და ვუსურვებ ძლიერ (ერთიან) საქართველოში ბედნიერად ცხოვრებას!!!
ღვთისმშობლის მფარველი ძალა და ღვთიური მადლი არ მოკლებოდეს სრულიად საქართველოს და ქართველ (პატიოსან) ადამიანებს!!!

გუშინ ქუთEისში ამასთან დაკავშირებით ძალიან დიდი ღონისძიება ჩატარდა. მსოფლიო პატრაირქი გვყავდა ქუთEისში სტუმრად და პლუს კიდევ ბატონმა პრეზიდენტმა გაგავვაბედმნიერა და "გვიკადრა",რის შედეგადაც გუშინ მთელ ქალაქში პარალიზებული იყო მოძრაობა და რამაც ბევრ ბრუნვაში ატრიალა ზოგიერთი სტუმრის ვიზიტი :grin: )

პ.ს.თქვენ წარმოიდგინეთ მათგან 100 მეტროში ვქეიფობდით (თამადა ვიყავი) და თავს პატივი ვერ დავდე რათა სტუმრებისათვის "ცალი თვალი" მაინც შემევლო!!! ტაძრის ეზო ხომ ჩემი დედულია!!! :wink:

[ This Message was edited by: Laki on `2003-09`-22 11:42 ]

ძალა ერთობაშია!

ღმერთო, შენ დაგვიფარე ყოველივე ბოროტისაგან, შენ უშველე ჩემს ქვეყანას, შენ იყავი ჩემი ოჯახის მფარველი.
ღმერთო, შენ დამაყენე სარწმუნოების, სათნოების გზაზე და მომიტევე ცოდვანი ჩვენი.
ამინ

ბაჩო სანამ კაცობრიობა იარსებებს , საქართველოში მანამ იქნებიან მართლმადიდებლები ,ქეთევან წამებული,ათას ერთი წამებული რომლის თავმოკვეთილი გვამები თუ არ ვცდები მტკვარში გადაყარეს ეს უტყუარი მაგალითებია ჩვენი ერთსულოვნებისა
ძალა ერთობაშია! გაუმარჯოს საქართველოს დამოუკიდებლობას და მის სიძლიერეს რომელსაც ადრე თუ გვიან მივაღწევთ

დიდი მადლობა გამოქვეყნებისათვის. ეხლახანს წავაწყდი, მაგრამ სჯობს გვიან ვიდრე არასდროსო ნათქვამია.

სწორი ბრძანებაა. ამიტომ და ბევრი სხვა რამის გამოც უხარია ხალხს შევარდნაძის რეჟიმის დამხობა.
მართლმადიდებლობაშია ჩვენი ხსნა.

საქართველოში, ამ ქვეყნის სპეციფიკის გამო, ყოვლად გაუმართლებელია სხვადასხვა სექტების არსებობის დაკანონება.

ქვეყნის ერთგული პრეზიდენტის ვალია სრული უკომპრომისობა ამ საკითხში. მართლმადიდებლობლობის ერთგულებამ გადაარჩინა საქართველო საუკუნეების ქარიშხლებს, სხვა იმპერიები კი აღგავა მიწისაგან პირისა.

მაპატიეთ ეს ტონი, მაგრამ ამ საკითხზე მშვიდად მეძნელება ლაპარაკი.

მართლმადიდებლობა არ შეიძლება იქცეს იდეოლოგიად, ვინაიდან სწორედ მაშინ იქნება ის ყველაზე უფრო ნაკლებად მართლმადიდებლური და რაც ყველაზე მნიშვნელოვანია სახელმწიფოს შეეძლება ეკლესიის საკითხებში უხეში ჩარევა. თუ ოდესღაც მართლმადიდებლობა იყო საყრდენი ქვეყნისა ეს იმიტომ, რომ მაშინ იყო თეოკრატიული წყობა, ანუ იყო მეფე. დღეს სიტუაცია შეიცვალა...

სხვადასხვა სექტების არსებობას რაც შეეხება, აქაც საჭიროა დაფიქრება, არიან უბრალოდ სექტები და არიან ე.წ. დესტრუქციული სექტები, აი სწორედ მათთან არის საჭირო მუშაობა..., დანარჩენს დრო გვანახებს.

სასწრაფოდ უნდა გამოცხადდეს საქართველოში ქრისტიანობა (მართლმადიდებლური) სარწმუნოება სახელმწიფო სარწმუნოებად! (საბერძნეთის მაგალითი) და დროშასაც ლამაზი "ახსნა" მიეცემა!!! :wink:

ამით,მიშა სამუდამო (თბილ)ბინას დაიდებს საქართველოს ისტორიაში და ქართველი ხალხის გულში!!! :smile:

ა რა გინდა საქართველოს საპატრიარქოს კი აქვს ჩამოყალიბებული პოლიტიკური და ეკონომიკური პლატფორმა სააკაშვილისგან განსხვავებიტ.

ილია II პრეზიდენტად!!!
ქართული მართლმადიდებლური ეკლესია ბარე პარტიადაც ხომ არე ჩამოგვეყალიბებინა ჩვენ მაინც ვერასოდეს ვისწავლით რელიგიის სახელმწიფოსაგან გამიჯვნას :sad:

აი ლაკი შენ რასაც ქადაგებ კიდე ეგ მემარჯვენე ქრისტიანული ფაშიზმია და თუ ეგეთი მოაზროვნე ბევრია საქართველოში მაშინ ცოტა არ იყოს საგანგაშო სიტუაციაა.


[quote]
On `2003-09`-13 23:34, ბაჩო wrote:
ბლა ბლა...

[ This Message was edited by: Friend on `2004-02`-07 05:02 ]

[quote]
On `2004-02`-06 19:43, Laki wrote:
"სასწრაფოდ უნდა გამოცხადდეს საქართველოში ქრისტიანობა (მართლმადიდებლური) სარწმუნოება სახელმწიფო სარწმუნოებად! (საბერძნეთის მაგალითი)"


რომ იტყვიან დააააა, ეს ისე ხუმრობით, სერიოზულად კი სიტუაცია ასეთია:

სახელმწიფო სარწმუნოებად გამოცზადება იმას მოუტანს ეკლესიას, რაც მოჰქონდა (ზოგიერთი გამონაკლისის გარეშე) ადრე. ადრე კი მოჰქონდა ის, რომ თითქმის ყველა მწვალებლობის მხარდამჭერები იყვნენ იმპერატორები, ანუ მთავრობა და სწორედ მათ მიერ მოხდა მრავალი მართლმადიდებელი ადამიანის ფიზიკური განადგურება. თუ კაცი გაეცნობა ეკლესიის ისტორიას აღმოაჩენს საინტერესო დეტალებს, დაწყებული არიანული და ნესტორიანული მწვალებლობებიდან სახელმწიფო ზეწოლას ახორციელებდა ეკლესიაზე, რათა მას ეცნო აღნიშნული მწვალებლობები... უკანასკნელი მსოფლიო საეკლესიო კრება გაიმართა ხატმებრძოლეობასთან დაკავშირებით და აქაც იმპერატორი იყო ხატმებრძოლური პოლიტიკის გამტარებელი, აქაც მრავალმა მართლმადიდებელმა დაიდგა ოქროს გვირგვინი აღესრულა რა ქრისტესთვის. ასე რომ სახელმწიფო რელიგიად გამოცხადება მართლმადიდებლობისა უდაოდ მოიტანს სახელმწიფოს ჩარევას ეკლესიაში და რა გარანტიაა რომ სახელმწიფო არ შეიცვლის პოლიტიკას ეკლესიის მიმართ და თუ ეს მოხდა მაშინ თვითონ განსაჯეთ სიტუაციის განვითარება.
ჰო სხვათა შორის დასავლეთის ეკლესია სწორედ იმიტომ ჩავარდა ფაქტობრივად ერესში, რომ პაპი გახდა სახელმწიფო მოხელე, ეს კი იმიტომ მოხდა, რომ ნამეტანი ჩახვეულები იყვნენ რომის პაპი და იმპერატორი.
თუ გვინდა ეკლესიის დაცვა აჯობებს მწარე წარსული გავითვალისწინოთ.

[ This Message was edited by: Zaza70 on `2004-02`-07 10:35 ]

ცნობისათვის!
ვისთვისაც მართლმადიდებლობა უკანა პლანზეა დაწეული და "უგზოუკვლო დემოკრატია" შეუძლია თავის კერპებს მიხედოს!!!

მართლმადიდებლობის სახელმწიფო რელიგიად გამოცხადება მოგვცემს თავდაცვის საშუალება ათასი რჯულის სექტანტებისაგა,რომლებიც კალიასავით მოედვნენ აქაურობას,იბინდავენ გასაცოდავებულ ხალხს გონებას და უწამლავენ სულს!!!

ქართული (მართლმადიდებლური) ეკლესია ავტოკეფალურია,და ვერავითარი სახელმწიფო ვერ ჩაერევა მის ფუნქციებში.ეყოფა ახლანდელ (და მომავალ ხელისუფლებას ჭკუა მაგისათვის,იმედია)!!!
არასამთავროების მიმართ რომ გამოთქვამთ პრეტენზიებს,იმას რატომ არ აღნიშნავთ რომ იგივე არასამთავროები თავიანთი ე.წ.დემოკრატიით კბილებით იცავენ სექტანტებს და ათასი ჯურის ვიგინდარებს!!! აი,რატომაა საჭირო მართლმადიდებლობის სახელმწიფო რელიგიად გამოცხადება და კიდევ ,არა მგონია საბერძნეთს იერუსალიმის პატრიარქი მართავდეს!!! :grin:

მორჩით დემაგოგიას ბატონებო!!!
ბოღმამ არ გაგგუდოთ!!! :wink:

მე სულით არაქართველი მიწოდე. მალე მოღალატესაც დამიძახებ იმის გამო რომ შენს აზრს არ ვიზიარებ რომელიც ფაშისტურად მიმაჩნია. კერპები შენკენ მოიკითხე და კარგად წაიკითხე ჩემი დანაწერი სანამ გამომეხმაურებოდე ეგრე უნამუსოდ.

თავად ამბობ ეკლესია ავტოკეფალურია და ვერავიტარი სახელმწიფო ვერ ჩაერევაო. შესაბამისად სახელწწიფოც დამოუკიდებელი უნდა იყოს ეკლესიისგან. სახელმწიფო რელიგიად ქრისტიანობა 337 წელს გამოცხადდა და ახლა შენ რომელ საუკუნეში ცხოვრობ გაფიცებ ყველაფერს რო იგივე გააკეთო დღეს?

სხვათა შორის ძალადობა არ არის იარაღი რომლითაც ეგრეთ წოდებულ სექტანტებს უნდა ებრძოლო. არამედ განათლების დონეა. ჯერ ერთი სანამ სხვა რელიგიას აღიარებდე იმ რელიგიის ისტორია უნდა იცოდე. მე გული არ მტკივა იმ არამტკიცე მართლმადიდებელ ქრისტიანებზე რომლებიც სხვა რელიგიაზე გადადიან. მასეთი ხალხი მართლმადიდებელ ეკლესიას არ ჭირდება. თავად მართლმადიდებელი გახლავარ გენაცვალე მაგრამ არა შენსავით რელიგიური მემარჯვენე კონსერვატორი.

დემაგოგი თავად ხარ ჭირიმე რადგან ზედაპირული ლანძღვის გარდა კონკრეტულად მიზეზების დასახელება არ შეგიძლია და ბრტყელ-ბრტყელი, ბუნდოვანი განცხადებებით ცდილობ საკუთარი პოზიციის გამოხატვას. ამ დროს კი აზრზე არ ხარ რა ხდება. ბოდიში მაგრამ ეგრეა

:grin:

შენთან კამათის სურვილი ნაღდად არა მაქვს!!!

თავად გადახედე საკუთარ დაბოღმილ ნააზრევს (ფორუმში) და დასკვნასაც მიხედე!!!

ბედნიერად :wink:

მართლმადიდებლობა უკვე გამოცხადდა სახელმწიფო რელიგიად საქართველოში 337 წელს.

არა მგონია ვინმე ებრძოდეს აქ ახლა ამ ფაქტს.

სხვადასხვა სექტების არსებობის დაკანონებას საქართველოში კი,ამ ქვეყნის სპეციფიკის გამო, ყოვლად დაუშვებლად მივიჩნევდი. ექსპერიმენტები ამ საკითხში რაში გვჭირდება?

თუ ამერიკა მიიჩნევს დასაშვებად სხვადასხვა სექტების არსებობას თავის ქვეყანაში მისი ქვეყნის სპეციფიკის გამო ღმერთმა ხელი მოუმართოთ!
ჩვენ ამერიკის შეერთებული შტატების ერთერთი შტატი ხომ არ ვართ ყველაფერი ამერიკაში რომ არი და მას რომ უნდა ისე მოვიწყოთ?
რუსეთს რომ უნდოდა ისე ხომ არ ვქენით ყველაფერი?

მართლმადიდებლობაშია ჩვენი ქვეყნის ხსნა და
ქვეყნის ერთგული პრეზიდენტის ვალია სრული უკომპრომისობა ამ საკითხში. მართლმადიდებლობლობის ერთგულებამ გადაარჩინა საქართველო საუკუნეების ქარიშხლებს, სხვა იმპერიები კი აღგავა მიწისაგან პირისა.

[/quote]

ვუახახახახახა.......მრევლი ბობოქრობს !
რა დროს რელიგიაა 21 საუკუნეში...

-----------
მარა სექტანტები მაინც უნდა დავხვრიტოთ !

ლაქი! სექტანტებს რაც შეეხება, ეგ საკითხი საკმარისად კარგად ვიცი, მე თვითონ ვიყავი სექტანტი და შენ წარმოიდგინე შენი პოზიციის ადამიანების გამო მოვხვდი იქ და ჩემი მოქცევა უკან არა შენი პოზიციის ურა მართლმადიდებლებმა შეძლეს, არამედ მათ ვინც არ ძალადობა ჩემს განხსვავებულ აზრზე, არამედ მაინტერესებდა მართლმადიდებლობის შინაარსს. შენ წარმოიდგინე ვინმეს პავლე მოციქული რომ მოეკლა იმის გამო, რომ ის იღებდა მონაწილეობას პირველი ქრისტიანი წამებულის ფილიპე მოციქულის წამებაში (იქვე შორიახლოს იდგა და უწონებდა მათ ამ საქციელს), მაშინ ქრისტიანობა დაკარგავდა უდიდეს მოციქულს. სექტანტობა შენთვის შორს არსებული ორგანიზმია, ჩემთვის კი შინაგანი განცდა იყო ოდესღაც და იგი რომ გაიგო არა ურას ძახილი უნდა დაიწყო არამედ მათაც უნდა მოუსმონო ხანდახან.

<<ქართული (მართლმადიდებლური) ეკლესია ავტოკეფალურია,და ვერავითარი სახელმწიფო ვერ ჩაერევა მის ფუნქციებში>>

კიდევ ერთხელ ვიმეორებ ჩარეულა და კიდევაც ჩაერევა: მონოფიზიტური მწვალებლობის დროს სწორედ სახელმწიფო აიძულებდა ეკლესიას მიეღო ერეტიკული აზრი, შედეგად უამრავმა ადამიანმა დაიდგა წამებულის გვირგვინი.
მართალია ეკლესიას ვერაფერი ვერ მოერევა მაგრამ განზრახ განსაცდელის მოწყობა უაზრობაა, აკი ვამბობთ ლოცვაში: "და ნუ შეგვიყვანებ ჩვენ განსაცდელსა".

<<ცნობისათვის!
ვისთვისაც მართლმადიდებლობა უკანა პლანზეა დაწეული და "უგზოუკვლო დემოკრატია" შეუძლია თავის კერპებს მიხედოს!!!>>

ასე მსჯელობენ საკითხში გაუთვითცნონიერებული ადამიანები, სწორედაც რომ ეკლესიის ბედი მაშფოთებს, არ მინდა რომ ყოველმა მთავრობამ ცხვირი ჩაყოს მის საქმეებში, ქრისტიანობა რომ გაიგო ისტორიას უნდა გადახედო, ის თვითონ გასწავლის..., გირჩევ წაიკითხო ალექსანდრე შმემანის მონოგრაფია "Пути православия" საიტზე: http://www.krotov.org

აბა კარგად

[ This Message was edited by: Zaza70 on `2004-02`-10 11:41 ]

ზაზაჯან მაგ ხალხს კითხვა რო უყვარდეს რაღა გვიჭირს. მომწონს შენი პოზიცია. გეთანხმები 90% რაც დაწერე ამიტომ იმ 10%-ზე ყურადღებვას აღარ გავამახვილებ.

[quote]
On `2004-02`-10 11:13, Zaza70 wrote:
ლაქი! სექტანტებს რაც შეეხება, .......

Friend!!! ჰა ჰა ჰა, 90%-საც კი არ მოველოდი, ასე რომ მოხარული ვარ.

ზაზა

[ This Message was edited by: Zaza70 on `2004-02`-10 13:24 ]

ბატონებო!
დავით აღმაშენებლემა დაქცეული საქართველოს აღდგენა-აღორძინება სწორედ რუის-ურბნისი მოწვევის შემდეგ დაიწყო და ეკლესია გახადა სახელმწიფოს დასაყრდენი ბურჯი!!!
ასე,რომ გინდათ,არ გინდათ უნდა შეეგუოთ იმ აზრს რომ საქართველოში მართლმადიდებლობა გამოცხადდეს სახელმწიფო რელიგიად და ეს ჩაწერილი იყოს კონსტიტუციაშI!
იმედია ბატონი პრეზიდენტი მალე მიხედავ ამ ფრიად საჭირბოტროტო საკითხს და ქვეყნისათვის სასრგებლოდ გადაწყვეტს!!!

აიდიოს! მე მაგ საკითხზე მოვრჩი საუბარს!

მიჩვეულს ნუ გადააჩვევ და მიუჩვეველს ნუ მიაჩვევო...! :wink:

ლაქი! შენთან წინადადება მაქვს
იქნებ მიშასთვის მირონიც გვეცხო
ზაზა

არ მითხრა ახლა მიშა მართლმადიდებელი არააო!!!

ზაზა აგერ ლაკს მართლმადიდებლობაზე აქვს პრეტენზია და მირონცხების გაგებაში არაა. ისე რო ესმოდეს შენი შეკითხვა არა მგონია რო წინააღმდეგი იყოს მაგის.

ეეჰ რამდენი Right wing Christian idiot დადის ამ დუნიაზე.